95 яшендә бәлеш сала, кар көри Рәйсә апа

Моннан биш ел элек бу йортта булып, гаҗәпләнеп тә, сокланып та кйткан идек.Иске Имән авылында яшәүче Сибгатуллина Рәйсә Хәертдин кызына 95 яшь тулган. Ягымлы йөзле, көлеп торган күзләр. Кайгысын да күп күргүн, шатлыгын да мулдан биргән аңа язмыш. Әмма төшенкелеккә бирелми, нык хәрәкәтчән әле ул. Бик яшьли кул арасына кереп, хезмәттә чыныгып. авырлыклардан курыкмыйча үсә ул. 12 яшендә укудан туктый, белемгә омтылышы, зиһене көчле булса да, сәбәпләре була. У чакта эшнең авыры - җиңеленә бүлешеп торыш юк бит. 

- Кечкенәдән нык булдым. Трактор да иярләдем, урман кисәргә дә җибәрделәр, Колмәттә торф кистек, бирешмәдек, - ди көр күңелле, күпне күргән ветеран. 

Эшләп сугыш вакытында гаиләсен ачлыктан алып кала Хәтимә апа. 

- Тыңгысызлыгың таң калдыра. Яшь булып саклануыңның сере дә, мөгаен, шул тик томавыңда, хәрәкәттәдер, - диде аңа. олуг юбилее белән тәбрикләргә баргач, район Башкарма комитеты җитәкчесе Әльфис Мөхәммәтгәрәев. Ул юбилярга Рәсәй Президенты Владимир Путинның Котлау хатын һәм район башлыгы Фәрит Хөснуллин исеменнән истәлек бүләге иапшырды.