68 елдан соң очрашу

Җәлил бистәсендә яшәүче Гафифә Гаффарова белән Кама Тамагы районында гомер итүче тыл хезмәткәре Нәкыя апа күрештеләр. Аларның әтиләре бер, әниләре башка. Алар 68 ел күрешмәгән туганнар. Беренче очрашу мизгелләренең күңелләрне кузгатырлык якты, шатлыклы һәм моңсурак хисләр тудыруын аңлатып бетерә торган гына түгел. Искиткеч җылы мохиттә үткән очрашуның шаһиты булган һәркемнең  күңеле тулды бу көнне. Нәкыя апа белән Гафифә апаның күзләрендә шатлык яшьләре кипмәде. Гафифә Гаффарова шул очрашу хөрмәтенә инде шигъри әсәр дә иҗат иткән. “Язмышыма рәхмәт” дип атала ул.