Яруллина Айсылу Сәмигулла кызы 1929 елның 20 маенда Камка авылында Сәмигулла һәм Мәсәния гаиләсендә дөньяга килә. Гаиләдә 8 бала була. Әтиләре сугышка китә. Башлангыч белемне Камка мәктәбендә алгач, укуын Алпар мәктәбендә дәвам итә. Тыл хезмәтчәне.  11-12 яшьлек кыз 4 ел Алпардан Камкага почта алып кайта. 1948 елда “Бөек Ватан сугышы чорында фидакарь хезмәт иткән өчен” медале белән бүләкләнә. 1948-49 уку елында башлангыч сыйныф укытучысы итеп билгеләнә. Куйбышев педагогия училищесын тәмамлый. 1978-79 елларга кадәр башлангыч сыйныфларда белем биреп лаеклы ялга чыга. Айсылу Сәмигулла кызының хезмәтләре хөкүмәтебез тарафыннан да югары бәяләнә. 1981 елда Хезмәт ветераны, мактау грамоталары белән бүләкләнә. 5 бала анасы. 2017 елның 6 августында вафат була.

 (Мәглуматны Иске Камка авылы китапханәчесе Вәлиева Гөлнур тапшырды).

#увойнынеженскоелицо #женскоелицоПобеды #Алькеевскийрайон #Әлкирайоны