Рабига апа  1929 елның 16 апрелендә Түбән Әлки авылында  туган.  Ул бик яшьли, 1 яшендә үк, ятим калган, аның әнисе үлгән. Рабига апа әтисе һәм үги әнисе Гаисә апа тәрбиясендә үскән. Аның 4 класс белеме бар. Яшүсмер вакытында Тумба урманына утын кисәргә йөргән,  колхозда төрле эшләрдә эшләгән. 1950нче елда, 20 яшендә, Түбән Әлки авылы егете  Сафин Әсәдулла Сафа улына  тормышка чыккан. Алар  5 бала тәрбияләп үстергәннәр, кызганычка каршы  1 балалары  5 яшендә үлгән. 3 малайлары да армия сафларында хезмәт иткән. Әсәдулла абый колхозда терлекче булып эшләгән, ә Рабига апа  колхозда төрле эшләрдә  эшләгән, язгы чәчүләрдә агулау  эшләрендә дә катнашкан. 1979 елның  18 нче апрелендә лаеклы ялга чыккан. “Ветеран труда” медале белән бүләкләнгән. 

( Түбән Әлки авыл җирлеге хезмәткәрләре материалы).