Гәлиуллин Шәриф Әюп улы 1930 нчы елның 3 июнендә туа. 5 класс белемле. Армия сафларында чик буе гаскәрләрендә, 1950нче елдан 1954 нче елга кадәр хезмәт итә, кайткач, колхозда 20  елга якын склад мөдире булып эшли. 1957 нче елда өйләнә. 3 бала үстерәләр. Сугыш еллары, авылдагы хезмәт турында түбәндәгеләрне искә ала:

11-12 яшьтән эшкә мәҗбүри иде. Чәчүне атлар белән чәчә идек, игенне урак белән урдылар: яше- карты уракта булды.Һәр кешегә көн саен 25+-30 сутый җир бүленеп бирелә иде. Һәр хатынга 300әр көлтә тиде. Өйгә атнага 1-2 генә тапкыр кайтардылар. Ашлык сугу кышка кадәр сузыла иде. Сугышка яхшы атларны алып бетергәнгә, кыр эшләрен үгезләр белән башкарырга туры килде. Ашарга кычыткан,үлән, агач бөреләре белән тукланган чаклар күбрәк иде.