Сарман районы Бөек Ватан сугышы һәм туган якны өйрәнү музее һәм аның филиалларында һәрдаим сугыш утын күргән якташларыбыз турында мәгълүмат җыю дәвам итә. Булган документ, фотоларны җыеп кына калмый аны киң җәмәгаттьчелеккә чыгару өстендә дә киң эш җәелдерелгән. Вконтакте, инстаграм һәм башка социаль челтәрләрдә мәгълүмат урнаштырып  якташларыбызның Хәтерен яңарталар, үсеп килүче буынга патриотик тәрбия бирү өстендә эшлиләр.