Тиздән илебез Бөек Җиңү көнен билгеләп үтәргә җыена. Сугыш, тыл ветераннары, сугыш елы балалары тагын бер кат күңелдән барлана, искә алына. Кызганычка каршы, безнең Мортыштамак авылында исән сугыш ветераннары калмады. Халкыбызда шундый мәкаль бар:"Үлгәннәрнең каберен бел, исәннәрнең кадерен бел". Менә без дә, һәр елдагыча, зиратка караучысы булмаган каберләрне чистарту, чәчәкләр утырту максатыннан бардык, дип сөйли музейның фәнни хезмәткәре Миләүшә Җәлилова.