9 Май-иң мөһим, дулкынландыргыч һәм данлы бәйрәмнәрнең берсе. Бу көнне районыбызның үзәгендә урнашкан – “Туган ягым” паркында Бөек Җиңүнең 76 еллыгы бәйрәм чаралары узды. Район халкын Җиңү көне белән Әтнә муниципаль районы башлыгы Габделәхәт Хәкимов котлады. Батырлар истәлегенә веноклар салынып, әдәби-музыкаль чара башланып китте. Бәйрәм патриотик рухтагы җырлар һәм биюләр белән үрелеп барды.