Җитмеш дүрт ел элек бу көнне фашистлар Германиясе илебезгә мәкерле рәвештә һөҗүм итте, кешеләрнең тормышы бер минутта үзгәрде. Дәһшәтле Бөек Ватан сугышын үтеп, илебезгә Җиңү китергән батырлар өчен дә, киләчәк буыннар өчен дә бу көн тарих битендә кара тамга булып калыр.

Шәһәрнең үзәк мәйданында 10 сәгать 30 минутта бу көнгә багышланган митинг булачак. Һәйкәлләргә веноклар һәм чәчәкләр куела.