Олы Ачасыр авылында Дан ордены тулы кавалерлары булган Хитем М.Д. һәм Данилов С.С.ка истәлек тактасы кую тантанасы булып узды. Бу чарага авыл активистлары, мәктәп коллективы һәм укучылары килгән иде. Авыл җирлеге башлыгы Гатиятуллин М.Г. Олы Ачасыр авыл җирлегеннән чыккан Михаил Дмитриевич һәм Семен Степанович турында кызыклы мәгълүматлар бирде. Шулай ук, музей хезмәткәрләре, китапханә мөдире дә чарада катнашучыларга үз фикерләрен җиткерделәр. Соңыннан аларның истәлегенә чәчәкләр куелды.