2020 нче ел безнең өчен тарихи вакыйгаларга бай ел. Бөек Ватан сугышында җиңүгә 75, ТАССР төзелүгә 100 ел, районыбыз үзәге оешуга 90, Актаныш районына 310 ел.  "Акфильм" халык киностудиясендә шөгыльләнүче кызларыбыз архив бүлеге белән берлектә районда туган, яшәгән, сугыш вакытында хезмәт куйган, укыган, үскән тыл ветераннары, сугыш чоры балалары белән очрашуларны дәвам итә. Бу атнада алар 20 яшендә дәүләтебезнең иң югары бүләгенә - Ленин орденына ия булган Киров авылында гомер итүче Зөлфирә апа Кахирова белән очрашты.