Бөек Җиңүнең 75 еллыгы, ТАССРның 100 еллыгы уңаеннан Сарман районы Бөек Ватан сугышы һәм туган якны өйрәнү музеенда Аграр көллият укучылары өчен экскурсия узды. Музей хезмәткәрләре укучыларга сугыш чоры авырлыклары, тыл хезмәткәрләре турында сөйләделәр. Авылдашыбыз, сугыш ветераны Хәмитов Гыйлмихәмәт Зыятдин улы турында, үзе исән вакытта, музей хезмәткәрләре тарафыннан төшерелгән видеролик күрсәтелде.