Иске Юраш мәдәният йортында Бөек Җиңүнең 70 еллыгына багышланган "Мәңге сүнмәс безнең Хәтердә" дип аталган смотр-концерты булды.

Муса Җәлилнең "Кызыл ромашка" шигырен көй астында Гайнуллина Айгөл сөйләде (җитәкчесе Гайфутдинова М.М.), ә бию түгәрәгенә йөрүче кечкенәләр төркеме "Ромашкалар" биюен биеделәр (җитәкчесе Галеева М.К.). Мәктәп коллективыннан Галеева Миләүшә Каюмовна "Китәсез дә мени торналар" композициясен, Яруллина Резеда Равиловна, Гиззатуллин Илсур Ленурович гармунчылар ансамбле белән татар халык көйләренә попури башкардылар.