Бүген тыл хезмәтчәне Миңсафа Сираевна Харрасова үзенең 100 яшьлек юбилеен билгеләп үтә. Аны мөһим дата белән котларга, тирән рәхмәт һәм ихтирам белдерергә район башкарма комитеты җитәкчесе Гүзәл Хәбетдинова, ӘМР социаль яклау идарәсе җитәкчесе Рөстәм Гәрәев һ.б.килде. Миңсафа Сираевна 1925 елда Азнакай районында туа. Аның яшьлегенә Бөек Ватан сугышының кырыс чоры туры килә. Мәктәпне бетерү белән, ул, бер дә уйлап тормыйча колхозда төрле бурычларны үти башлый: учеттан алып авыр авыл хуҗалыгы эшләренә кадәр. 1954 елда ул Әлмәткә күчеп килә, анда ике дистә елга якын электр челтәрләре идарәсендә бухгалтер булып эшли, туган ягын үстерүгә үз өлешен кертә. Үзенең казанышлары өчен Миңсафа Харрасова күп санлы медальләр һәм мактау билгеләре белән бүләкләнде. Гүзәл Хәбетдинова юбилярга нык сәламәтлек, иминлек, туганнары һәм якыннары арасында озын гомер теләде. Бүгенге көндә Әлмәт районында йөз һәм аннан да күбрәк яшькә җиткән 15 кеше яши.