Бибисара әби Минһаҗева 90 яшьлек олы юбилеен каршылады. Бүген дә җитез хәрәкәтле, камил акыллы, үткән тормыш юлын көне, сәгате белән хәтерләүче әбигә сокланып кайттык без. Күзләр генә тимәсен, ул аз гына да тик утырырга яратмый. Безне дә ишек төбенә үк үзе чыгып каршы алды. Бибисара әбине район башлыгы урынбасары Марат Нуриев, Биеш авыл җирлеге башлыгы Рамил Вәлиев тәбрик иттеләр, изге теләкләр җиткерделәр, Ил башлыгының Котлау хатын, бүләкләр, чәчәк бәйләме тапшырдылар.