Бүген - күңелле дә, моңсу да бәйрәм. Бөек Җиңү алып килгән 9 май һәркем күңелендә тынычлык солдатлары, аяусыз көрәштә яу кырында ятып калган каһарманнарыбызны искә алу, ветераннарыбызны хөрмәтләү көне. Район башлыгы Фәрит Хөснуллин, хәрби-патриотик тәрбия бирү юнәлешендә хезмәт куючы оешма җитәкчеләре, яшьармиячеләр Бөек Ватан сугышында һәлак булганнар истәлегенә тере чәчәкләр, такыялар салдылар.