Быел "2014-2020 нче елларга Татарстан Республикасының дәүләт телләрен һәм Татарстан Республикасында башка телләрне саклау, өйрәнү һәм үстерү" дәүләт программасы кысаларында Татарстан һәм татар халкы тарихы буенча 1 нче республика олимпиадасы үткәрелде. Анда республика мәктәпләренең 8-11 нче класс укучылары катнашты. Олимпиаданың 1 нче - читтән торып үткәрү туры апрель аенда, ә 2 нче туры 7 нче майда уздырылды. Йомгаклау турына барлыгы республика мәктәпләреннән 2 нче турга үткән 100 укучы чакырылды. Алар арасында Сарман гимназиясенең 10 нчы класс укучысы Айсылу Нигъмәтҗанова да (укытучысы - Вәсил Борһанов) бар иде. Әлеге бәйге аңа зур җиңү алып килде - ул I урынны яулады.