ВӘЗЕТДИНОВ ГЫЙМАЗЕТДИН ВӘЗЕТДИН УЛЫ
ВӘЗЕТДИНОВ Гыймазетдин Вәзетдин улы (1907, Уфа губернасы, Минзәлә өязе Исәнгол авылы - 8.3.1940, Виипури шәһәре, хәзерге Ленинград өлкәсе Выборг шәһәре), Советлар Союзы Герое (21.3.1940, вафатыннан соң), кече лейтенант (1938). 1929 елда Кызыл Армиягә алынганчы колхозда эшли. Кече лейтенантлар курсын тәмамлый (1938). Совет-фин сугышында (1939-40) катнаша, 330 нчы укчы полкның рота командиры (7 нче армиянең 86 нчы укчы дивизиясе). Төньяк-Көнбатыш фронт гаскәрләре составында дошманның Виипуридагы ныгытмасын штурмлауда катнаша. Виипури шәһәре өчен барган сугышта батырлык күрсәтә.