ХӘМӘТВӘЛИЕВ МИҢНЕВАФА ХӘМӘТВӘЛИЕВИЧ
Хәмәтвәлиев Миңневафа Хәмәтвәлиевич
(1901 - 13.2.1970)
Гражданнар сугышында да катнаша. Бөек Ватан сугышына 26.8.1941 моб-нә. 1946 елда гына дем-нә. Улы Минвәли сөйләвенчә, әтисе Миңневафа бабайның һәлак булуы турында похоронка да килә. Бу хәбәрне алгач, әнинең елап утырганын хәтерлим әле - ди ул. Әсирлектә Германиядә булган. Әтиегез кайта, - дигән хәбәрне ишетүгә, без Гамирә апа белән зиратлар янына чаптык. Ышанмадык, чөнки аның һәлак булды дип хәбәрен алдык бит. Мине күтәреп алды да: “И, улым, бер дә үсмәгәнсең бит”-, диде. Мин ул чакта да бик кечкенә идем.
Әти, үскәндә дә (төп нигезләрендә Касыймов Минхаҗи гаиләсе яши) ятимлекне, кыерсытуларны күп күреп үскән. Апасы Бибигайшә (1878-1964) Газыйм бабайга кияүгә чыккач, кечкенә Миңневафаны алар үзләренә алалар, тәрбияләп үстерәләр һәм Нуридәгә (Нурулла һәм Миңнениса кызына) өйләндереп, башка чыгаралар.
1948 нче елда өч хуҗалык - Фәхретдинова Фатыйма, Мияссарова Зәйнәп апалар һәм Миңневафа абыйлар минут эчендә янып бетәләр. Документлар да яна.
Миңневафа абый әсирлектә булганнар һәм һәлак булучылар исемлегендә дә теркәлмәгән.
Халык телендә - “Әбез Миннафасы”.
Әтисе - Хәмдевәли (Мөхәммәдвәли) Габделрәкыйб углы Әхмәров
Әнисе - Миңнеҗамал Гайфулла
Метрикадагы исеме - Мөхәммәдвафа (24.11.1901)
Хатыны - Нуридә Нурулла кызы (1906 - 16.11.1977)
Балалары: Хәридә Әһлиуллина (1926, Шахмайда), Гамирә Вагыйзова (1929), Мөнирә (1932-2009) Шахмайда җирләнде, Миңневәли (1935), Миңнегөлсем Гафиятуллина (1948), Мокеева Миңнегаян (1937) Яңа Чишмәдә.