22 нче апрель көнне 29 нчы «Алтын балык» балалар бакчасында зур бәйрәм булып үтте. Алабуга шәһәренең балалар бакчаларында тәрбияләнүче малайлар – «Мин бит татар малае» бәйгесендә кѳч сынаштылар.
Татар халкында «Егет кешегә җитмеш тѳрле һѳнәр дә аз» - диләр. Безнең малайлар, чынлап та, үз осталыкларын, уңганлыкларын лаеклы яуладылар. Малайлар үзләренең җырга, биюгә сәләтләрен кыю һәм җитез булуларын күрсәттеләр. Сәхнәдә "кечкенә солдатлар" чыгыш ясаганда күзгә яшьләр килде. Дөньялар тыныч булсын, бу сабыйларга солдат киеме киеп, кулга автомат тотып сәхнәләрдә генә уйнарга язсын иде инде.
«Татар малае-2015» исемен 30 нчы «Кѳлемсәр» балалар бакчасында тәрбияләнүче егетебез Ишмухаметов Рэм яулады. Калган алты конкурсант егетләребез иң кыю, иң җитез, иң тырыш, иң оста биюче, иң оста җырчы, иң сәләтле исеменә лаек булдылар.
Уйныйк дисәк, гүзәл бакчабыз бар.
Яшик дисәк, матур калабыз бар.
Тотыйк дисәк, изге динебез бар,
Татар дигән асыл телебез бар,
Горурланырлык татар малайларыбыз –
Булачак егетләребез бар.